පිරිමියා පරාජය වීම – කරන්න දෙයක් නැති රටක හිස්වූ ජීවිතවල දේශපාලන-ආර්ථිකය

Aug 31st, 2014 | By | Category: LEAD NEWS, Today Lead News, දේශපාලන

නමගිය ආයතනවල වැඩ කරන ලංකාවේ බහුතරයක් මාධ්‍යවේදීන් බලවත් ස්ත‍‍්‍රියකගෙන් පහරකෑමට ඕනෑම වෙලාවක සුදානම්ය. නමුත් බලවත් නොවන සාමාන්‍ය ස්ත‍‍්‍රියක් විසින් කිසිවෙකුට පහරදීම ඔවුන්ට තේරුම් ගත නොහැකි අත්භූත ප‍්‍රපංචයකි.

වාරියපොලදී තමන්ට ලිංගික අතවරයක් කිරීමට පැමිණි අයෙකුට පහර දී ගැලවීමට තරුණ ස්ත‍‍්‍රියකට සිදුවූයේ ඇයිද යන්න පෙන්වනවා වෙනුවට ඒ අසල සිටි ටයිම් කීපර් කෙනෙකු ඇමැති ආරක්ෂකයෙකු ලෙස ඔවුන්ට පෙනෙන්නේ ඒ නිසාය. ඉහත කී බොහෝ මාධ්‍ය ආයතනවලට මැති ඇමැති බිරින්දෑවරු ආරක්ෂකයින් සමග පැමිණ පාට් දමා යන අතර එහිදී බොහොමයක් මාධ්‍යවේදීන් පමණක් නොව අභීත කතෘවරුන් පවා වාරියපොලදී පහරකෑමට ලක්වූ සෙල්වා මෙන් බිම බලාගෙන සිටිනවා විය හැකිය. එම නිසා මේ මාධ්‍යවේදීන් තමන් සෙල්වා වැනි දුර්වල ස්ථානයකට මානසිකව ආරෝපණය වී පහර දුන් තරුණිය ඇමැති බිරියක් හෝ දියණියක් බවට පරිකල්පනය කරන්නේ මේ මානසික තත්ත්වයෙනි. තරුණිය ගාමන්ට් ෆැක්ට්‍රියක වැඩ කරන සාමාන්‍ය අයෙකු බව පසුව හෙළි වූ විට ද මේ අය කළේ මෙම සිදුවීමෙන් පසු සෙල්වාගේ පවුල් ජීවිතය විනාශ වූ බවට ප‍‍්‍රචාරයක් ලබාදී නැවතත් තරුණියට එරෙහිව මතයක් ඇති කිරීමයි. වාරියපොල තරුණියගේ කණේ පාරෙන් රිදුම් කෑවේ සෙල්වා පමණක් නොවන බව මින් පැහැදිලිය.

බොහෝ දෙනෙකු අවිඥානිකව සෙල්වාට කැමැතිවීමට තවත් හේතුවක් වන්නේ ස්ත‍‍්‍රීන් ඇදිය යුතු ඇදුම පිළිබද සංකල්පය සම්බන්ධයෙන් බොහෝ උගත් යැයි සැලකෙන ලාංකිකයන්ගේ මතය සෙල්වාගේ මතයට වඩා වෙනස් නැති වීමයි. අනෙක් අතින් පාරේ යන එන ස්ත‍‍්‍රීන් පමණක් නොව තමන් සමග එකට සේවය කරන ස්ත‍්‍රීන්ට පවා ලිංගිකත්වය මුල් කරගෙන විහිළුවට ලක්කිරීමට පිරිමින්ට අයිතියක් ඇතැයි සිතන්නේ සෙල්වා පමණක් නොවේ.

මේ පිළිබදව විග‍‍්‍රහ කිරීමට ස්ත‍‍්‍රීවාදය, සදාචාරය, අධ්‍යාපනය වැනි විවිධ මිනුම් දඩු උපයෝගී කර ගත හැකි වූවත් මෙය ආර්ථික ගැටළුවක් ලෙස විග‍‍්‍රහ කිරීම උචිත යැයි හැගේ. රටක ආර්ථිකය රදා පවතින්නේ නිෂ්පාදන ආර්ථිකයක් මත නම් එම රටේ ස්ත‍්‍රීන්ට මෙන්ම පුරුෂයන්ටද නිකරුනේ සිටීමට කාලයක් නැත. ඔවුන් සෑමවිටම තමන්ට හෝ සමාජයට අදාළ කාර්යයක නිරත වෙමින් සිටියි. ඒ නිසා අනුන්ගේ ඇදුම් ගැන සීතිමට ඔවුන්ට කාලයක් නැත. එසේම එවැනි රටක බස් හෝල්ට්වල නිකරුණේ කාලය ගෙවනවා කියා දෙයක් එවිට ඇති වන්නේ නැත. මන්ද මිනිසුන් නිකං බස් හෝලට්වල කාලය ගෙවන්නේ නම් එය රටේ ආර්ථිකයට පාඩුවක් වන බැවිනි. එසේම ස්ත‍‍්‍රිය නිෂ්පාදන ක‍්‍රියාවලියට සමානව දායක කරගැනීමට පටන් ගත් විට පිරිමින් තුළ ස්ත‍‍්‍රීන් පිළිබද පවතින අගතීන් සෑහෙන ප‍‍්‍රමාණයක් ඉවත දැමීමට සිදුවනු ඇත. යුරෝපයේ හෝ අැමෙරිකාවේ පමණක් නොව චීනය ඇතුළු සංවර්ධිත ආසියානු රටවල්වල පවා මේ තත්ත්වය හොදින් දැක ගත හැකි අතර එම රටවල ස්ත‍‍්‍රීන්ගේ ඇදුම්වල දිග මැනීමට පිරිමින් කාලය ගත කරමින් සිටින්නේ නැත.

තායිවානයේ බස් හෝල්ට් එකක්...
තායිවානයේ බස් හෝල්ට් එකක්…

සමාජ ගැටළු දෙස විවෘතව බැලිය හැකි දියුණු මානසික තත්ත්වයක් ගොඩ නැගෙන්නේද නිෂ්පාදනයක් කරන මිනිසුන්ගෙන් වන අතර මෙහිදී අප සෙල්වාටද අනුකම්පා කළ යුත්තේ කාන්තාවගේ ඊනියා ප‍‍්‍රචණ්ඩත්වයට ලක්වූ අර්ථයෙන් නොව රටක් ලෙස අපේ පවතින දුර්වලතාවයක් ඔහු මතින් දිග හැරුණ නිසාය. පාරේ ගහ ගැනීම හෝ ප‍‍්‍රචණ්ඩත්වය අපට අනුමත කළ නොහැකි වුවත් බහුතර ජාතිය සුළුතර ජාතියක් මත ප‍‍්‍රචණ්ඩත්වය පතුරවා ජයග‍‍්‍රහණය ලැබීම ජාතියේම ජයග‍‍්‍රහණයක් ලෙස පිළිගැනීමට බල කෙරෙමින් සිටින රටක කාන්තාවක් ප‍‍්‍රචණ්ඩත්වයෙන් තමන්ගේ ප‍‍්‍රශ්නයක් විසදා ගැනීම වැරදි වන්නේ කෙසේද යන්නත් අප ප‍‍්‍රශ්න කළ යුතුය.

නිෂ්පාදනය නැති නිසා හිස් වූ මනසක් ඇති පිරිමින් ආර්ථිකයෙන් රටට පැමිණෙන අලුත් ෆැෂන් නිසා බියවී සිටින අතර මේ දෙදෙනා බස් හෝල්ට් එකක මුණ ගැසුන විට ශරීර අතර ගැටුමක් ඇතිවේ. සංවාදය මේ පැත්තට අරන් යනවා වෙනුවට අපේ මෝඩ මාධ්‍යවේදීන් කරන්නේ ඊනියා සදාචාර මිනුම් දඩු වලින් විනිශ්චයන් දීමට යෑමයි. එම නිසා මේ සියළු දෙනාම පිළිබඳව අප අනුකම්පා කළ යුතුය. ජීසස් කීවාක් මෙන් අප මෙසේ කිව යුතුය. ‍ඔවුන් නොදැන කරන වැරදි වලට සමා වුව මැනව!

Recent Posts

Tags: , , , , , , ,

3 Comments to “පිරිමියා පරාජය වීම – කරන්න දෙයක් නැති රටක හිස්වූ ජීවිතවල දේශපාලන-ආර්ථිකය”

  1. දෙව් says:

    උඹල උඹලගේ ගනුන්ට බාගෙට රෙදි ඇඳගෙන ගියාට අපිනම් තාම සංවර සිංහල පවුල්වලින් පවත එන්නේ… කලාවන් වුනු දෙමුහුන් උන් කොහොමද දන්නේ සංස්කෘතියක් ගැන…!

  2. RANGA says:

    GAHANIYAK LIYAPU ARTICLE EKAK BAWA MANAWA PAHEDILI WEI…

  3. samantha says:

    marvin silla prasidda wedikawe dance karapu PABAgen kukku bonna asai kiwwa welawe ai mervinta pahara dimak sidu nokale? sollwa wage ahinsakayek newei nisa…

Leave a Comment